Bakıdan çıxmaq mümkün deyil – TIXAC

Bu gün saat 18 radələrindən etibarən Bakı-Sumqayıt yolunda keçilməz tıxac yaranıb. Lent.az-ın müxbirinin verdiyi məlumata görə, “Şamaxinka” adlana ərazidən Biləcəri, Xırdalan dairələri istiqamətlərinə, həmçinin Bakı-Quba yoluna doğru nəqliyyatın hərəkəti dayanıb. Sürücülər və sərnişinlər artıq 1 saata yaxındır ki, yolu “addım-addım” getmək məcburiyyətində qalıb.

Bakı şəhər Dövlət Yol Polisi İdarəsindən Lent.az-a verilən məlumata görə, tıxacın yaranmasına nəqliyyat vasitələrinin çoxluğu səbəb olur. İdarədən bildirilib ki, son günlər qeyd edilən istiqamətdə avtomobillərin axını sürətlənib. Səbəb isə Bakının əsas prospektlərindən olan “Neftçilər” prospektinin bağlanmasıdır. Şəhərin cənub çıxışına doğru əsas yol olan “Neftçilər” prospektinin bağlanması səbəbindən sürücülərin əksəriyyəti şimal çıxışından istifadə edir.

Nizam RZA