Rənginə görə düzgün süngər seçsəniz, təmizlik bir neçə dəfə asanlaşacaq.
Lent.az bu rənglərin səbəblərini təqdim edir:
Qab yumaq üçün süngərlər müxtəlif rənglərdə olur. Lakin əksər evdar qadınlar onların niyə bu qədər rəngarəng olduğuna heç vaxt fikir vermir. Halbuki süngərin rəngi sadəcə dekor deyil. Düzgün süngər seçimi təmizliyə böyük təsir göstərir.
Süngərin rəngi onun səthinin kələ-kötürlük və abrazivlik səviyyəsini göstərir. Təmizlik üzrə mütəxəssislər bildirirlər ki, mətbəx gigiyenasına sistematik yanaşma çox vaxt təmizlik vasitələrinin rənglə kodlaşdırılmasına əsaslanır ki, bu da düzgün təşkilatlanma və təmizliyi təmin edir.
Yaşıl süngərlər
Bu süngərlər çoxfunksiyalı, möhkəm və demək olar ki, hər işin öhdəsindən gəlir. Əsasən ümumi təmizlik və qab yuma üçün istifadə olunur, lakin şüşə, paslanmayan polad və digər həssas səthlər üçün çox kobud ola bilər. Çuqun qabdakı qurumuş ləkələr və çirkli soyuducunun təmizlənməsi üçün ideal seçimdir.
Sarı süngərlər
Sarı süngərlər nə çox sərt, nə də çox yumşaqdır. Onlar şüşə qablar, stolüstü səthlər, mətbəx çanaqları kimi daha həssas səthlər üçün uyğundur. Bu səthlər cızılmaması üçün diqqətli yanaşma tələb edir.
Mavi süngərlər
Əgər siz daha nazik və zərif səthlərlə işləyirsinizsə, mavi süngər seçin. Bu, ən az abraziv süngərdir və şüşə, paslanmayan polad kimi səthlərdə cızıq yaratmadan parıltı verir.
Qırmızı və çəhrayı süngərlər
Bu rəngdə süngərlər “təhlükəli zonalar” üçündür. Onlardan yanmış qida qalıqları və bakteriya riski yüksək olan yerlər məsələn, çanaq üçün istifadə olunur. Lakin qırmızı və çəhrayı süngərlərlə stol avadanlıqlarını və şüşə qabları yumaq olmaz, çünki cızıq yarada bilər.
Qara süngərlər
Qara süngərlər çox yüksək abrazivliyə malikdir və çox sərt, yanmış ləkələrin təmizlənməsi üçün nəzərdə tutulub. Onlardan gündəlik istifadə olunmur, lakin ən çətin təmizlik işlərində məhz qara süngər kömək edir. Təmizlik mütəxəssisləri deyirlər: hansı rəng süngərin daha sərt olduğunu bildikdə, onları hər gün istifadə etməyəcək, lakin lazımi anda təmizliyi çox daha asan edəcəksiniz.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
