Əksər insanlar düşünürlər ki, elektrik enerjisinə qənaət edirlər: işıqları söndürürlər, paltaryuyan maşınları aşağı temperaturda işlədirlər, LED lampalara keçirlər. Lakin enerjinin həqiqi “istehlakçıları” isitmə sistemləri, kondisionerlər və qeyri-səmərəli məişət texnikasıdır.
Lent.az xəbər verir ki, başqa sözlə, biz xırda şeylərə qənaət edirik, əsas xərcləri isə nəzərdən qaçırırıq. Evdə enerjidən səmərəli istifadə böyük investisiyalar tələb etmir, sadəcə vərdişləri dəyişmək kifayətdir.
Elektrik enerjisinə qənaət
Soyuducunu sobanın yanında və ya birbaşa günəş şüaları altında yerləşdirməyin. Yüksək temperatura məruz qalanda cihaz daha intensiv işləyir və daha çox enerji sərf edir.
Soyuducunu mütəmadi olaraq əridin. Nə qədər çox buz yığılırsa, enerji sərfiyyatı da bir o qədər artır.
İldə üç–dörd dəfə soyuducunu divardan aralayın və radiatorlarını tozdan təmizləyin. Çirkli radiatorlar kompressoru daha çox güclə işləməyə məcbur edir.
Paltaryuyan və qabyuyan maşınların filtrlərini təmizləyin. Bu, cihazların səmərəliliyini artırır və nasazlıq riskini azaldır.
Yüksək enerji səmərəlilik sinifinə malik məişət texnikası alın. A sinfinə aid cihazlar D sinfinə nisbətən 40%-ə qədər daha az elektrik sərf edir.
İstilik enerjisinə qənaət
Əgər duş üçün su qızdırıcısından istifadə olunursa, suya qənaət edən duş başlığı quraşdırın. Bu, isti su sərfiyyatını azaldır.
Qızdırıcının su temperaturunu 10°C aşağı salmaqla illik enerji sərfiyyatında 15%-ə qədər qənaət əldə etmək mümkündür.
Yeni kondensasiyalı qazan qaz sərfiyyatını 20%-ə qədər azalda bilər. İmkan varsa, köhnə qazanın daha müasir və enerji səmərəli model ilə əvəz edilməsi tövsiyə olunur.
Gecələr və ya evdə olmadığınız vaxtlarda temperaturu aşağı salacaq şəkildə proqramlaşdırılmış otaq termostatından istifadə edin. Temperaturu cəmi 1°C azaltmaqla 5%-ə qədər enerji qənaəti mümkündür.
Evinizin hər guşəsi elektrik və istilik enerjisinə qənaət etməyə kömək edə bilər, sadəcə ona ağıllı yanaşmaq kifayətdir. Bu sadə qaydalara əməl etmək uzunmüddətli üstünlüklər verir və elektrik hesablarını əhəmiyyətli dərəcədə azaldır.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
