Bəzi məişət cihazları evdə gözləniləndən daha çox elektrik enerjisi sərf edir. Mütəxəssislər bildirirlər ki, elektrik sobası bəzən 65 soyuducunun eyni vaxtda işləməsi qədər enerji “yeyə” bilər. Bu da aylıq ödənişlərin ciddi şəkildə artmasına səbəb olur.
Lent.az xarici mediaya istinadla xəbər verir ki, elektrik sobalarının əksəriyyəti 2000-dən 5000 vattadək enerji sərf edir. Onlardan tez-tez istifadə olunduqda aylıq sərfiyyat 40–90 kVt/saat həddinə çata bilər.
Müqayisə üçün, adi soyuducu daim işləsə də, orta hesabla 300–800 vatt sərf edir. Səbəb isə sadədir: soyuducu yalnız sərinliyi qoruyur, amma soba yüksək istilik yaradaraq onu saxlamağa məcburdur, bu isə böyük enerji itkisinə gətirib çıxarır.
Ümumilikdə elektrik sobası ildə 224 kVt/saat-a qədər enerji sərf edə bilər. Bundan əlavə, bəzi modellər işləmədiyi halda belə, şəbəkəyə qoşulu qalanda enerji sərf etməyə davam edir. Paneldəki saat və ya elektron displey daim elektrik tələb edir.
Enerjiyə qənaət üçün sadə vərdişlər
Sobanı yalnız bir dəfə qızdırıb, eyni vaxtda bir neçə yeməyi bişirin.Yemək tam hazır olmamışdan bir neçə dəqiqə əvvəl sobanı söndürün, sobanın qapısını tez-tez açmayın, əks halda temperatur düşəcək və cihaz yenidən daha çox enerji sərf edəcək.
Əgər sobanız “gözləmə rejimində” də enerji sərf edirsə, istifadə bitdikdən sonra şəbəkədən tamamilə ayırın.
Hər zaman şəbəkədən çıxarılması tövsiyə olunan cihazlar
Mütəxəssislər yalnız sobanı deyil, bəzi digər cihazları da istifadə olunmadıqda şəbəkədən ayırmağı məsləhət görürlər.
Televizor – gözləmə rejimində də enerji sərf edir.
Şarj cihazları – elektrik israfı ilə yanaşı, bəzi hallarda yanğın təhlükəsi də yarada bilər.
Bu sadə addımlar həm elektrik xərclərinizi azalda, həm də təhlükəsizliyinizi artıra bilər.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
