Tramp: "Obamanın eyni zamanda İŞİD və Əsədlə mübarizə aparması ağılsızlıqdır"

ABŞ prezidentliyinə Respublikaçılar partiyasından namizəd olan Donald Tramp prezident Barak Obamanın Suriyada eyni zamanda İŞİD terror qruplaşması və hökumət qüvvələri ilə mübarizə aparmasını ağılsızlıq adlandırıb. APA-nın “Gazeta.ru”ya istinadən verdiyi xəbərə görə, bunu Tramp “The New York Times” nəşrinə müsahibəsində bildirib.

“Onlar bir-biri ilə, biz isə onların hər ikisi ilə mübarizə aparırıq”, - deyə Tramp qeyd edib.

Onun sözlərinə görə, İŞİD daha böyük problemdir, nəinki Suriya prezidenti Bəşər Əsəd.

Tramp hesab edir ki, İŞİD-lə uğurlu mübarizə aparmaq üçün qruplaşmanın, neft də, daxil olmaqla, müxtəlif resurslara çıxışını ləğv etmək lazımdır.