Putin: "Bu qərar Suriyada nizamlanmaya təkan verəcək"

Rusiya qoşunlarının çıxarılması Suriyada siyasi nizamlanma üçün yaxşı təkan olacaq. APA-nın “TASS”a istinadən verdiyi xəbərə görə, bunu Rusiya prezidenti Vladimir Putin deyib.

“Ümid edirəm ki, bugünkü qərar bütün münaqişə tərəfləri üçün yaxşı siqnal olacaq. Ümid edirəm ki, bu proses bütün iştirakçıları arasında etimadı daha da artıracaq”, - deyə Putin XİN rəhbəri Sergey Lavrov və müdafiə naziri Sergey Şoyqu ilə görüşündə bildirib.

Qeyd edək ki, Vladimir Putin Rusiya ordu birləşmələrinin martın 15-dən etibarən Suriyadan çıxarılmasına başlanması barədə göstəriş verib.