APA-nın Gürcüstan bürosunun məlumatına görə, bəyanatda prokuror və eks-müdafiə naziri Baço Axalayanın vəkili arasında fiziki qarşıdurma baş verdiyi bildirilib: “Yanvarın 8-də təxminən 15.30 radələrində Tiflis prokurorluğunun inzibati binasında məhkəmədə bəraət alan eks-müdafiə naziri Baço Axalayanın işini aparan prokuror Levan Baçiaşvili və Gürcüstan Vəkillər Kollegiyasının üzvü, eks-müdafiə nazirin vəkili Romeo Sacaya əvvəllər hər ikisinin arasında baş verən şəxsi fikir ayrılığına görə bir-birinə söz atıblar. Sonda hər iki şəxs bir-birini fiziki təhqir ediblər.
Faktla bağlı Gürcüstanın baş prokurorluğunun baş müfəttişliyi Gürcüstan CM-nin 125-ci Maddəsinin 1-ci hissəsi ilə istintaqa başlayıb,” baş prokurorluğun bəyanatında bildirilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
