Berluskoniyə bir iş kəsilib

İtaliyanın keçmiş baş naziri Silvio Berluskoni siyasi rəqibləri ilə «Unipol» sığorta şirkəti arasında telefon danışıqlarını qanunsuz çap etdirdiyi üçün bir il azadlıqdan məhrum edilib.

Lent.az-ın xarici informasiya vasitələrinə istinadən məlumatına görə, yaxın günlərdə onun bu hökmdən şikayət edəcəyi gözlənilir. Qeyd edək ki, keçmiş hökumət başçısı hələlik azadlıqdadır.

Sözgedən məsələ ilə bağlı yazı onun kiçik qardaşı Paolo Berluskoninin başçılıq etdiyi qəzetdə çap olunub.

O, da iki il 3 ay müddətinə azadlıqdan məhrum edilib.

Həmin danışıq çap olunduqdan sonra sığorta şirkəti ilə «BNL» bankı arasında sövdələşmə də baş tutmayıb. Mənbənin bildirdiyinə görə, Berluskoninin məqsədi də bu olub.

Keçmiş hökumət başçısı barəsində həddi –büluğa çatmayanla cinsi əlaqə maddəsinə görə də cinayət işi qüvvədədir.