ABŞ Rusiyadan Dünya Ticarət Təşkilatına daxil olarkən götürdüyü öhdəliklərə əməl etməyə çağırıb.
Lent.az-ın xarici informasiya vasitələrinə istinadən məlumatına görə, amerikalılar Moskvadan tələb edib ki, ABŞ-dan ixrac edilən ətə tətbiq etdiyi qadağanı götürsün.
ABŞ-ın ticarət naziri Ron Kirk qeyd edib ki ,ölkəsində istehsal olunan ət təhlükəsizlik standartlarına cavab verir. Vaşinqton Moskvanın atdığı bu addımından təəssüfləndiyini bildirib.
Bir müddət öncə, Rusiya Kənd təsərrüfatı mallarına nəzarət komitəsi fevralın 11-dən etibarən ABŞ-dan ət və ət məhsullarının gətirilməsini yasaqlayan qərar qəbul etmişdi.
Moskva bunu həmin məhsulların tərkibində əzələləri şişirdən raktopaminin olması ilə əlaqələndirir.
Rusiya mütəxəssisləri hesab edir ki, bu maddə insan sağlığı üçün təhlükəlidir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
