G7 ölkələri sammitin yekun kommunikesini razılaşdırıblar. APA-nın “RİA Novosti”yə istinadən verdiyi xəbərə görə, bunu Castin Trüdo bildirib.
“Məmnuniyyətlə bildirirəm ki, yeddi ölkə tərəfindən razılaşdırılmış yekun kommunike tərəfimizdən qəbul edilib”, deyə Trüdo Kvebek sammitinin yekunlarını şərh edərkən bildirib.
Kanadanın baş naziri Kvebek görüşünü uğurlu adlandırıb. Onun sözlərinə görə, G-7 ölkələri böhranlı ölkələrdə qadınların təhsilinə 4 mlrd. dollaradək vəsaitin ayrılmasına dair razılığa gəliblər.
Qeyd edək ki, gender bərabərliyi G-7-də Kanada sədrliyinin əsas mövzularından biri olub.
Fransa prezidenti Emmanuel Makron və Castin Trüdo bundan əvvəl ABŞ prezidenti Donald Trampın bəzi məsələlər üzrə güzəştə getməyəcəyi təqdirdə yekun kommunikeni imzalamayacaqlarına dair xəbərdarlıq etmişdilər.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
