“Fukusima” Atom Elektrik Stansiyası (AES) yenə təhlükə mənbəyinə çevrilib.
Lent. az-ın “mignews.com” saytına istinadən verdiyi məlumata görə, elektrik enerjisi təchizatının dayanması nəticəsində AES-in tullantılar üçün nəzərdə tutulmuş hovuzunda soyutma sistemi sıradan çıxıb.
Qəza vəziyyəti “Fukusima” AES-in 1, 3 və 4-cü reaktorlarında yaranıb. Ən təhlükəlisi isə 4-cü reaktorun soyutma hovuzundadır, çünki burada daha çox nüvə tullantısı var. 2011-ci ildə baş verən zəlzələ və sunamidən sonra bu reaktorun damı dağılıb, reaktor özü isə həmin vaxtdan dayandırılıb. Hovuzlarda suyun temperaturu 65 dərəcəni ötməməlidir, ancaq soyutma sistemini bərpa etmək mümkün olmasa, 4 günə temperatur 65 dərəcəni keçəcək.
Son məlumatlara görə, 1 və 3-ü reaktorun soyutma sistemi artıq bərpa edilib. Ancaq 4-cü reaktorun soyutma sistemini hələ də işə salmaq mümkün olmayıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
