İtaliyanın 10 şəhərində güclü istilər səbəbindən ən yüksək qırmızı hava təhlükəsi səviyyəsi elan edilib.
Lent.az xarici mətbuata istinadən xəbər verir ki, ölkənin Səhiyyə Nazirliyindən verilən məlumta görə, iyulun 10-dan Bolonya, Kampobasso, Viterbo, Latina, Perugia, Peskara, Florensiya, Frozinone, Roma və Rietidə hava təhlükəsi elan edilib.
Meteoroloqlar xəbərdarlıq edir ki, bu və digər şəhərlərdə iyulun 16-da hava 39-40 dərəcə isti olacaq. Mütəxəssislər uşaqların və yaşlıların mümkün qədər evdə qalmalarını, daha çox su içmələrini tövsiyə edirlər.