Əfqanıstan paytaxtında ardıcıl partlayışlar

Bu gün səhər saatlarında Əfqanıstanın paytaxtı Kabildə ardıcıl partlayışlar törədilib.

Lent.az-ın “France-Presse” agentliyinə istinadən verdiyi məlumata görə, öncə bomba yüklü avtomobil Böyük Britaniya səfirliyinin hasarına çırpılıb.

Az sonra BMT-nin Kabildəki təmsilçiliyi önündə güclü partlayış baş verib. Bir saat sonra isə Böyük Britaniya səfirliyinin ərazisində üçüncü güclü partlayış olub. Hələlik 3 nəfərin həyatını itirdiyi məlumdur. Partlayışlara görə məsuliyyəti “Taliban” öz üzərinə götürüb.