Somalidə gündə 13 uşaq ölür - FOTO

Lent.az-ın Türkiyə mətbuatına istinadən xəbərinə görə, bunu BMT-nin Somalidəki xüsusi təmsilçisi Avqustin Mahiqa deyib. O bildirib ki, hazırda bu ölkədə 3,7 milyon adam aclıqdan ölmək təhlükəsi altındadır.

BMT-nin Humanitar məsələlər üzrə şöbəsinin baş direktor müavini Katrin Braqq isə deyib ki, Somali üçün 1 milyard dollara yaxın ianənin toplanacağını düşünürlər. Bununla belə, bu günə qədər yalnız 500 milyon dollara qədər vəsait toplanıb.

Afrikada 1,2 milyon adamın kömək gözlədiyini bəyan edən BMT rəsmisi, dəstək göndərilməzsə, yaxın zamanda minlərlə uşağın öləcəyini vurğulayıb.