Davudoğlu Əsədlə görüşüb

Bu gün Türkiyənin xarici işlər naziri Əhməd Davudoğlu Suriya prezidenti Bəşər Əsədlə görüşüb.

Lent.az-ın Türkiyə mətbuatına istinadən məlumatına görə, Davudoğlu Əsədi əhaliyə qarşı həyata keçirdiyi zorakılığı və qətliamı dayandırmaqla bağlı dilə tutur. Davudoğlu baş nazir Ərdoğanın bununla bağlı mesajını Əsədə çatdıracaq.

Məlumatda bildirilir ki, Davudoğlunun Əsədlə görüşündən müsbət bir nəticə alınmasa, Türkiyə Suriyada baş verən olaylarla bağlı mövqeyində dəyişiklik edəcək.

Türkiyənin Əsada vaxtilə Səddam Hüseynə verdiyi “oyun zamanı bitdi” mesajı verəcəyi bildirilir. Xarici işlər naziri Əsadın əsgərlərini geri çəkməsi, həbs edilən siyasilərin azadlığa buraxılmasına dəvət edəcək.