Yəhudi konqresi: “İranı olimpiadaya buraxmayın”

Dünya yəhudi konqresi İranı olimpiya oyunlarından və başqa beynəlxalq idman yarışlarında iştirakdan məhrum etməyə çağırıb. Qurum bildirib ki, İslam Respublikasından olan idmançılar İsraildən olan həmkarlarını təhqir etməyi dayandırmayanadək onları mötəbər beynəlxalq yarışlara buraxmaq olmaz.

Konqresin başçısı Ronald Lauder iranlı idmançının son hərəkətinin «idmançıya yaraşmayan davranışı» adlandıraraq, onu «antisemitizmdə» suçlayıb: «İran hakimiyyətinin idman yarışlarını dəfələrlə siyasiləşdirməsi biabırçılıqdır. Bu ölkənin idmançılarının ələn il Londonda keçiriləcək olimpiada kimi beynəlxalq yarışlara buraxmamağın zamanı çatıb».

Xatırladaq ki, iranlı üzgüçü Məhəmmədəli Rzai Pekində keçirilən dünya üzrə üzgüçülük yarışında brass üsulu ilə 100 metr məsafəyə ələmə mərhələsində iştirakdan imtina edib. Səbəb isə budur ki, İsraildən olan idmançı Qal Nevo da M.Rzai ilə birlikdə üzməli imiş. Baş verən olay ikincidir. Hələ Pekin yay olimpiadasında da M.Rzai İsraildən olan idmançı ilə bir hovuzda yarışmaq istəmədiyini söyləmişdi.

Sədərddin Soltan