Bir qızın başı kəsilib, iki ölkənin münasibəti pozulub

Səudiyyə Ərəbistanın hökuməti indoneziyalı qulluqçu qızın başının vurulması ilə bağlı İndoneziyadan üzr istəyib.

Lent.az-ın “mignews.com” saytına istinadən verdiyi məlumata görə, Səudiyyə Ərəbistanı İndoneziyadakı səfiri Abdurahman əl-Xayat hökumət adından üzr istəmək üçün İndoneziyanın xarici işlər naziri Marti Natelaqavanın qəbulunda olub.

Qeyd edək ki, indoneziyalı qulluqçu onu vətəninə buraxmadığı üçün evində çalışdığı Səudiyyə Ərəbistanı vətəndaşı olan kişini öldürüb. Səudiyyə Ərəbistanında məhkəmə qərarı ilə indoneziyalı qızın başı vurulub. İndoneziya bu edam hökmünə sərt reaksiya verib. İndoneziyanın Səudiyyə Ərəbistanındakı səfiri geri çağırılıb.

Səfir Abdurahman əl-Xayat İndoneziyanın xarici işlər naziri ilə görüşdə deyib ki, baş verənlərdən çox təəssüflənirlər və bu hal gələcəkdə bir daha təkrarlanmayacaq.