“Həmas” və “əl-Fəth” danışıqlara başladı
10 noyabr 2010 18:39 (UTC +04:00)

“Həmas” və “əl-Fəth” danışıqlara başladı

Bu gün fələstinli qruplar - “Həmas” və “əl-Fəth”in yetkililəri Suriyanın paytaxtı Dəməşqdə bir araya gəliblər. Lent.az-ın “trt.net.tr” saytının Azərbaycan versiyasına istinadən verdiyi məlumata görə, “Həmas”ın Dəməşqdə yaşayan siyasi büro sədri Xalid Meşal ilə bir araya gələn “əl-Fəth” heyətinin müzakirələrə başladığı bildirilir.

“Həmas” müzakirələrin davam etdiyini və görüşlərdə nəticə əldə olunarsa, bu haqda məlumat veriləcəyini açıqlayıb. Dəməşqdə 4 gün qalacaq “əl-Fəth” heyəti “Həmas” ilə Misir tərəfindən fələstinli qruplar arasında anlaşmaya nail olmaq üçün hazırlanan planı dəyərləndirəcək.

Tərəflər Misir planının ən önəmli maddələrindən olan və eyni zamanda “Həmas” və “əl-Fəth” arasındakı uzlaşmazlıq nöqtələrindən birini təşkil edən təhlükəsizlik məsələsini müzakirə edəcək. Misir planındakı təhlükəsizlik maddəsi “Həmas” və “əl-Fəth”in təhlükəsizlik qurumlarının birləşdirilərək milli təhlükəsizlik qurumunun formalaşdırılmasını nəzərdə tutur.
# 487

Oxşar yazılar