113 milyon funt-sterlinqi zibil qabına atıblar

Lent.az-ın məlumatına görə, uduşu ölkənin Koventri bölgəsində yaşayan 70 yaşlı ər-arvad əldə edib. Lakin təhlükəsizlik məqsədi ilə həmin şəxslərin adları açıqlanmır.

2 həftədən artıq vaxt keçməsinə baxmayaraq, ixtiyarlar öz pullarını hələ də almayıblar. İngiltərə mətbuatının yazdığına görə, onlar lotereya biletini yoxlamadan zibil qabına atıblar və mükafat qazandıqlarını sonradan biliblər. Oktyabrın 19-da zibil qabına atılan biletlərdən biri tapılsa da, həmin kuponda yalnız 10 funt-sterlinq uduş qazandığı məlum olub. Hazırda bütün Koventri bəxtəvər bileti axtarır.

“EuroMillions”dan isə bildiriblər ki, cütlük həmin mükafatın qanuni sahibidir və onlar bileti gətirən zaman uduşu öz hesablarına yatıra biləcəklər. Sadəcə hər keçən gün həmin məbləğdən 8500 funt-sterlinq faiz olaraq çıxılır.