749
15:56
15 Mart 2019

Nazir ƏSA teatrında “Göy quş”a baxıb

Əmək və Əhalinin Sosial Müdafiəsi naziri cənab Sahil Babayev inklüziv ƏSA Teatrının təqdim etdiyi "Göy quş" tamaşasının premyerasında olub.
Əsa Teatrından Lent.az a verilən məlumata görə, tamaşadan sonra nazir teatrın yaradıcı kollektivi ilə görüşdə ƏSA Teatrına dəstək verilməsinin vacibliyindən, repertuarın genişlənməsindən, yeni tamaşaların qurulmasından, mütəmadi olaraq tamaşa nümayişlərinin həyata keçirilməsindən danışıb. Bu barədə müvafiq göstərişlər verdiyini bildirib.Onu da qeyd edək ki, ƏSA Teatrı Azərbaycanda ilk inklüziv teatrdır. Teatr 2016-cı il sentyabrın 3-ü rejissor Nihad Qulamzadə tərəfindən yaradılıb. Məqsədsə əlilliyi olan şəxslərin cəmiyyətə inteqrasiyasını sürətləndirmək, onların sağlam insanlarla birgə fəaliyyətini təmin etmək, sosial və ictimai rifahını yüksəltməkdir. Teatr indiyə kimi tamaşaçılara “Dumb”, “Yuxum ”, “Adamlar və siçanlar”, “Paris patrladı”, “Göy quş” adlı 5 tamaşa təqdim edib. Moris Meterlinkin “Göy quş” mistik dramına rejissor Nihad Qulamzadə quruluş verib. Tamaşanın premyerası ötən ilin dekabrında baş tutub.