Müsavat Partiyası Gənclər Təşkilatının həbsdə olan sədr müavini Nigar Yaqublunun apellyasiya şikayəti əsasında keçiriləcək məhkəmənin ilkin baxış iclasının vaxtı müəyyən olunub.
V əkil Nemət Kərimlinin APA-ya verdiyi məlumata görə, apellyasiya şikayətinə hakim Mübariz Zeynalovun sədrliyi ilə baxılacaq. Məhkəmənin ilkin baxış iclası isə fevralın 5-ə təyin olunub.
Qeyd edək ki, Nigar Yaqublu ötən il sentyabrın 11-də saxlanılıb, onun barəsində məhkəmənin qərarı ilə həbs-qətimkan tədbiri seçilib. Həbs Müsavat Partiyasının üzvü Aydın Acalovun ölümü ilə nəticələnən avtomobil qəzasının istintaqı ilə bağlı olub.
Abşeron rayon Məhkəməsinin hökmü ilə Nigar Yaqublu cəzasını məntəqə tipli cəzaçəkmə müəssisəsində çəkməklə 2 il 6 ay müddətinə azadlıqdan məhrum edilib. N. Yaqublu 2 il müddətinə nəqliyyat vasitəsi idarə etmək hüququndan da məhrum olunub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
