Azərbaycanın dövlət saytlarına kütləvi kiberhücum -VİDEO

Azərbaycanın dövlət informasiya infrastrukturlarına qarşı xarici haker qruplaşması tərəfindən kütləvi kiberhücum həyata keçirilib.

Lent.az APA TV-yə istinadən xəbər verir ki, bu barədə Xüsusi Rabitə və İnformasiya Təhlükəsizliyi Dövlət Xidmətindən məlumat verilib.

Bildirilib ki, kiberhücumlar oktyabrın 13-də saat 22:00 radələrindən etibarən qeydə alınıb. Hücum zamanı dövlət informasiya infrastrukturlarına aid 100-dən artıq domen hədəfə alınıb.

Nəticədə bir sıra dövlət qurumlarının rəsmi internet səhifələrinin fəaliyyətində fasilələr yaranıb.

Qurumun məlumatına görə, həyata keçirilən texniki tədbirlər nəticəsində kiberhücumların təsiri məhdudlaşdırılıb və saytların fəaliyyətinin davamlılığı təmin edilib.

Hazırda Xüsusi Rabitə və İnformasiya Təhlükəsizliyi Dövlət Xidməti tərəfindən kibertəhlükəsizliyin təmin olunması istiqamətində tədbirlər davam etdirilir.

kiberhücum Azərbaycana kiberhücum dövlət saytlarına haker hücumu 100-dən çox dövlət domeni xarici hakerlər Xüsusi Rabitə və İnformasiya Təhlükəsizliyi Dövlət Xidməti XRİTD kibertəhlükəsizlik dövlət qurumlarının saytları haker hücumu kiberhücum 2026 Azərbaycan xəbərləri son xəbərlər