Yeni dili öyrənmək üçün əvvəllər internetin olmaması böyük çətinlik sayılırdı. Lakin bu gün vəziyyət tamamilə dəyişib və prosesi xeyli sürətləndirən əsas amillərdən biri süni intellektdir. ChatGPT təkcə adi funksiyalarla kifayətlənmir, eyni zamanda Projects adlı imkanlara da pulsuz çıxış təqdim edir. Məhz bu kombinasiyanın yeni dili daha sürətli mənimsəmək üçün rahat yol açdığı bildirilir.
Lent.az xarici mediaya istinadla xəbər verir ki, süni intellektlər dil strukturları ilə işlədiyi üçün model tam bir repetitor kimi istifadə oluna bilər.
Burada əsas məsələ prosesi düzgün qurmaq və modelə məqsədin nə olduğunu aydın şəkildə izah etməkdir. Mənbənin vurğuladığı əsas detal düzgün promtlar yazmaqdır. İstək nə qədər konkret formalaşdırılarsa, təlim ssenariləri də bir o qədər dəqiq və faydalı alınır.
Məsələn, istifadəçi öz zəif tərəflərini birbaşa qeyd edə, ünsiyyət tərzini də əvvəlcədən müəyyənləşdirə bilər. Hətta “dostla danışırmış kimi” gündəlik italyan dili səviyyəsində ünsiyyət istəmək də mümkündür. İrəliləyiş olduqca səs rejimi də prosesə əlavə edilir və bu yolla tələffüz, intonasiya kimi bacarıqları ana dili daşıyıcısı axtarmadan, səhv etmək qorxusu yaşamadan məşq etmək mümkün olur.
Daha sonra əsas məsələ davamlılıq və sistemli yanaşmadır. Model məqsədlər dəqiq seçildikdə söz siyahıları hazırlaya, sabit ifadələr təklif edə, tələffüzü izah edə və konteksti anlamağa kömək edə bilir. İstəyə uyğun şəxsi dərs planı qurmaq da mümkündür.
Bundan başqa, ChatGPT-ni detallı dil analizi alətinə çevirmək də asandır. Sadəcə tanış bir abzasın tərcüməsini istəmək və ardınca cümlələrin necə qurulduğunu, müəyyən konstruksiyaların niyə seçildiyini izah etməsini xahiş etmək kifayətdir. Bu yanaşmanın dili daha tez “oturtmağa” və əlavə vaxt itkisi olmadan irəliləməyə kömək etdiyi qeyd olunur.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
