“Windows 10” çağı qapanır - Yüzlərlə şirkət “Microsoft”a qarşı üsyan edir

“Microsoft”un 14 oktyabr 2025-ci ildə “Windows 10” üçün pulsuz təhlükəsizlik yeniləmələrini dayandırmaq qərarı geniş əks-səda ilə qarşılanıb.

Lent.az xəbər verir ki, 380-dən çox şirkət və 49 ətraf mühit və istehlakçı təşkilatı “Microsoft”a qərarın ləğvini tələb edən açıq məktub yazıb.

Məktub bütün dünya üzrə kompüterlərin təxminən 40 faizinin aparat məhdudiyyətləri (xüsusilə TPM 2.0 dəstəyinin olmaması) səbəbilə “Windows 11”ə yüksələ bilməyəcəyi ilə bağlı narahatlıqlara əsaslanır.

Bu vəziyyətin həm fərdlər, həm də yeni cihazlar almaq məcburiyyətində qalacaq müəssisələr üçün əhəmiyyətli maliyyə yükü anlamına gəldiyi bildirilir.

O, eyni zamanda milyonlarla kompüterin köhnəlməsinin elektron tullantıların kütləvi şəkildə artmasına və ətraf mühitə zərər verəcəyini vurğulayır.

İstehlakçılar da bu təzyiqi dəstəkləyirlər; ABŞ-da 16,000-dən çox, Fransada isə 43,000 vətəndaş “Windows 10” dəstəyinin genişləndirilməsi üçün petisiya imzalayıb.