Krossoverlərin (cip) ikinci əl bazarında mühərrikin resursu çox vaxt avtomobilin sərfəli alış olub-olmayacağını, yoxsa daimi xərc mənbəyinə çevriləcəyini müəyyən edir.
Lent.az xəbər verir ki, 7–10 ildən artıq yaşı olan avtomobillərin sahibləri üçün ən baha başa gələn nasazlıqlar məhz güc aqreqatlarının sıradan çıxmasıdır.
Mütəxəssislər qeyd edirlər ki, bütün müasir mühərriklər eyni dərəcədə yaxşı “qocalmır”. Bəzi aqreqatlar cəmi 150–200 min km məsafəyədək stabil işləyir, bundan sonra isə bahalı təmirlərin ardıcıl mərhələsi başlayır. Eyni zamanda, əsaslı müdaxilə olmadan 300–500 min km məsafə qət etməyə qadir olan mühərriklər də mövcuddur.
1. Toyota RAV4 (2.0 və 2.5 benzin, 2AR-FE seriyası, Dynamic Force)
Toyota ənənəvi olaraq etibarlılıq reytinqlərində lider mövqedədir. 2AR-FE seriyalı mühərriklər sadə konstruksiyası və ciddi qüsurların azlığı ilə tanınır. RAV4 8–12 yaşlı avtomobillər arasında mühərrik nasazlıqlarının ən aşağı göstəricilərindən birinə malikdir.
Real resurs: müntəzəm texniki xidmət şərti ilə 350–500 min km.
2. Honda CR-V (2.0 və 2.4 i-VTEC, K seriyası)
K20/K24 seriyalı mühərriklər J.D. Power reytinqlərində ən etibarlı aqreqatlardan biri kimi tanınır. CR-V hətta 10 ildən artıq istismar olunduqdan sonra belə nadir hallarda ciddi təmirə ehtiyac duyur. Üstün cəhəti turbinasız, atmosfer tipli və etibarlılığı sübut olunmuş mühərrikə malik olmasıdır.
3. Lexus RX (3.5 V6 2GR-FE)
Toyota-nın premium bölməsi yüksək etibarlılığı təmin edir. 2GR-FE mühərriki əsaslı təmir olmadan 400 min km-dən çox məsafə qət edə bilir. J.D. Power məlumatlarına görə, Lexus RX mühərrikdə ciddi nasazlıqların minimal sayı baxımından liderlər sırasındadır.
Mənfi cəhət: texniki xidmət xərclərinin daha yüksək olması.
4. Mazda CX-5 (2.0 və 2.5 Skyactiv-G)
Skyactiv-G mühərrikləri qənaətcilliklə davamlılığı birləşdirir. 6–10 yaşlı avtomobillər qrupunda mühərrik nasazlıqlarının aşağı səviyyədə olduğunu qeyd edir. Bu motorlarda turbomühərriklərə xas tipik “xəstəliklər” yoxdur və onlar yüksək yürüşə yaxşı dözür.
Real resurs: ciddi müdaxilə olmadan 300–400 min km.
5. Subaru Forester (2.0 atmosfer, FB20)
Subaru-nun atmosfer mühərrikləri turboversiyalarla müqayisədə daha etibarlı sayılır. Forester sadə mexanikası və stabil işi ilə dəyərləndirilir. Əsas şərt yağ səviyyəsinə nəzarət və müntəzəm texniki xidmətdir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
