İsrail ordusunun zabitlərindən Çin istehsalı olan rəsmi nəqliyyat vasitələrini müsadirə etməyə başlayıblar.
Lent.az-ın xarici mediaya istinadla xəbərinə görə, qərar təhlükəsizlik xidmətləri nəqliyyat vasitələrinin sistemlərinin orduya casusluq və məxfi məlumatlar əldə etmək üçün istifadə edilə biləcəyini aşkar etdikdən sonra verilib.
Bəzi Çin istehsalı olan nəqliyyat vasitələri xarici serverlərə məlumat ötürən kameralar, mikrofonlar, sensorlar və rabitə texnologiyaları ilə təchiz olunub. Bəzən bu, sürücünün və ya idxalçının xəbəri olmadan baş verir.
"Problem yalnız kameralar və mikrofonlarda deyil. Müasir avtomobil qapalı əməliyyat sistemi və simsiz bağlantısı olan təkərlər üzərindəki kompüterdir. O, yaxınlıqdakı hədəflərdən kəşfiyyat məlumatları toplaya bilir", - keçmiş yüksək rütbəli İsrail zabiti jurnalistlərə izah edib.
Nəqliyyat vasitələri mərhələli şəkildə müsadirə olunacaq. Əvvəlcə Çin avtomobilləri məxfi məlumatlara çıxışı olan zabitlərdən, ardınca isə hər kəsdən müsadirə olunacaq. Bu proses 2026-cı ilin birinci rübünün sonuna qədər davam edəcək.
İsrail ordusu təxminən 700 nəqliyyat vasitəsinin müsadirə olunacağını təxmin edir. Onların əksəriyyəti çoxuşaqlı zabitlərə verilən yeddi nəfərlik Chery avtomobilləridir.
Ekspertlər hesab edirlər ki, İsrail təcrübəsi digər ölkələr üçün də faydalı ola bilər.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
