Ziya Bünyadov prospektinin yenidən qurulması işləri sürətlə davam etdirilir. nəqliyyat Nazirliyi "Azəryolservis" ASC-dən Lent.az-a verilən məlumata görə, prospektin Böyük Şor qovşağı ilə Əliyar Əliyev küçəsi arasındakı hissəsində də əsaslı təmir işlərinə başlanılıb.
Hazırda lazım olan ehtiyyat material nəzərdə tutulan anbara daşınaraq köməkçi yollarda qazıntı və bərkitmə işləri davam etdirilir. Son illər müşahidə olunan səth sularının dayanıqlığını ləğv etmək məqsədilə yağış kanalizasiya xəttinin çəkilməsinə də başlanılıb. Artıq 900 metr məsafədə istinad divarının tikintisi, 2 km məsafədə yağış kanalizasiya xəttinin çəkilişi və kommunikasiya xətlərinin köçürülməsi başa çatdırılıb. Paralel olaraq əsas yolda köhnə asfalt-beton örtüyünün frez mexanizmi vasitəsilə qaşınaraq çıxarılması işləri gedir. Bundan əlavə piyadaların təhlükəsiz hərəkətini təmin etmək məqsədilə zəruri olan 4 ərazidə yerüstü piyada keçidlərin tikintisi nəzərdə tutulub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
