Yeni müdafiə naziri Fəxri xiyabanı ziyarət etdi
23 oktyabr 2013 17:06 (UTC +04:00)

Yeni müdafiə naziri Fəxri xiyabanı ziyarət etdi

Müdafiə naziri, general-polkovnik Zakir Həsənov Fəxri xiyabanı ziyarət edib.


 

APA-nın məlumatına görə, Fəxri xiyabana gələn Azərbaycanın yeni müdafiə naziri burada Heydər Əliyevin və akademik Zərifə Əliyevanın məzarlarını ziyarət edib. Məzarın önünə gül dəstələri qoyub.

 

Müdafiə nazirini Azərbaycan prezidentinin təhlükəsizlik və müdafiə məsələləri üzrə köməkçisi, general-leytenant Vahid Əliyev müşayiət edib.

 

Qeyd edək ki, Z. Həsənov Azərbaycan prezidentinin oktyabrın 22-də imzaladığı sərəncamla müdafiə naziri təyin edilib və ona general-polkovnik hərbi rütbəsi verilib.

 

Xatırladaq ki, Z. Həsənov Azərbaycanın 13-cü (3-ü 1918-1920-ci, 10-u 1991-2013-cü illərdə) müdafiə naziridir.

 

 

# 3512
avatar

Oxşar yazılar