Bu gündən 2013-2014-cü tədris ili üzrə rezidenturaya ixtisas seçimi başlayır. Tələbə Qəbulu üzrə Dövlət Komissiyasının (TQDK) mətbuat xidmətindən Lent.az-a verilən məlumata görə, rezidenturaya ixtisas seçimi sentyabrın 11-i saat 12:00-dan sentyabrın 16-sı saat 9:00-dək aparılacaq.
Müsabiqə şərtlərini ödəyən namizədlər həmin müddətdə TQDK-nın internet saytının müvafiq səhifəsindəki ona aid ixtisas seçimi ərizəsinə daxil olaraq ixtisas seçimini yerinə yetirib təsdiqləməlidirlər.
Müsabiqəyə yalnız ixtisas seçimini yerinə yetirib təsdiqləyən namizədlər buraxılacaq.
Qeyd edək ki, rezidenturaya qəbul imtahanının birinci mərhələsi sentyabrın 9-da, ikinci mərhələsi isə sentyabrın 10-da keçirilib. İki mərhələ üzrə keçirilən qəbul imtahanlarının nəticələrinə əsasən, 821 namizəd müsabiqədə iştirak hüququ qazanıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
