AMEA nəzdində Respublika Seysmoloji Xidmət Mərkəzinin baş direktoru , AMEA-nın müxbir üzvü, geologiya-mineralogiya elmləri doktoru Q.C.Yetirmişli daha bir nüfuzlu elmi təşkilata üzv seçilib. RSXM-dan Lent.az-a verilən məlumata görə, Q. Yetirmişli Rusiya Təbiət Elmləri Akademiyasının Yer təkinin sistemli tədqiqatlar seksiyasının xarici üzvü seçilib. Bu barədə qərarı bu günlərdə Bakıya səfər edən Rusiya Təbiət Elmləri Akademiyasının nümayəndəsi açıqlayıb.
Qeyd edək ki, AMEA nəzdində RSMX-də keçirilən iclasda Q. Yetirmişli Rusiya Təbiət Elmləri Akademiyasının vitse-prezidenti, texnika elmlər doktoru , Yer təkinin sistemli tədqiqatlar seksiyasının sədri, Elmi-sənaye, Neft və Qaz istehsalı Proseslərinin Tədqiqatları Sistemi İnstitutunun direktoru Əzizağa Şahverdiyev tərəfindən Rusiya Təbiət Elmləri Akademiyasının fəxri diplom və medalı ilə təltif olunub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
