Dərslik layihələrinin ictimai qiymətləndirilməsi başa çatır

Cari ilin fevralından start götürən dərslik layihələrinə dair ictimai rəyin öyrənilməsi prosesi artıq yekunlaşmaq üzrədir.

Təhsil Nazirliyinin mətbuat xidmətindən Lent.az-a verilən məlumata görə, ictimai rəyin öyrənilməsi çərçivəsində 89 dərslik layihəsi e-resurs.edu.az saytına yüklənib. Həmin dərslik layihələrinə dair rəy və təkliflərin iyunun 17-dək bildirilməsi mümkün olacaq.

Qeyd edək ki, rəy və təkliflər seçilmiş dərslik layihəsinin səhifəsində xüsusi ayrılmış bölmədə yazılmaqla, yaxud [email protected] elektron poçtuna göndərilməklə bildirilə bilər.