Gənclər Günü münasibəti ilə fevralın 2-də “Azərbaycan Uşaqları” İctimai Birliyinin nəzdində fəaliyyət göstərən Uşaq Sığınacağı-Reinteqrasiya Mərkəzinin qonaqları Milli Məclisin Ailə, qadın və uşaq məsələləri üzrə komitəsinin sədri, millət vəkili Aqiyə Naxçıvanlı, komitənin sədr müavini, millət vəkili Sahibə Qafarova, komitənin üzvləri – millət vəkili Sədaqət Vəliyeva və millət vəkili Dilarə Cəbrayılova və komitənin əməkdaşları olub.
Lent.az-ın xəbərinə görə, görüşdə millət vəkilləri tərəfindən sığınacaqda yaşayan kimsəsiz uşaqlara şirniyyat süfrəsi və müxtəlif hədiyyələr təqdim edilib.
Bu gün aktual olan müxtəlif sosial məsələlərin müzakirəsi və sığınacaq əməkdaşlarının peşə fəaliyyəti barədə aparılan söhbətlər, uşaqlara qarşı zorakılığın qarşısının alınmasında mühüm addımların atılmasının vacibliyindən danışan millət vəkili Aqiyə Naxçıvanlı, həmçinin, uşaqların əl işlərindən ibarət rəsmlərə, müxtəlif bəzək əşyalarına və toxuduqları qış geyimlərinə baxaraq, onlarınəl işlərini qiymətləndirib.
Bununla yanaşı, “Azərbaycan Uşaqları” İctimai Birliyinin sədri Kəmalə Ağazadənin qəyyumluğunda olan 29 uşağın hazırkı sosial durumu, təhsil və sağlamlıqları ilə bağlı millət vəkilləri ilə müxtəlif söhbətlər aparılıb. Görüşün sonunda uşaqlar qonaqlara öz əl işlərindən ibarət müxtəlif hədiyyələr verərək xatirə şəkilləri çəkdirib. Görüş zamanı aparılan danışıqlar və göstərilən etimad bir daha onu sübut etdi ki, güc birlikdə və həmrəylikdədir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
