Payız tətilindən sonra ümumtəhsil müəssisələrində dərslər fərqli vaxtlarda başlayacaq.
Təhsil Nazirliyinin mətbuat xidmətindən Lent.az-ın sorğusuna cavab olaraq bildirilib ki, “Ümumtəhsil məktəbinin Nümunəvi Nizamnaməsi”ndə dəyişikliklər edilməsi haqqında” Nazirlər Kabinetinin qərarına əsasən, dərs ili ərzində 5 gün payız tətili (16-20 noyabr) müəyyən edilib.
Noyabrın 20-si həftənin beşinci gününə təsadüf etdiyindən 2015-2016-cı dərs ilində 5 günlük iş həftəsi ilə işləyən ümumtəhsil müəssisələrində payız tətilindən sonra dərslər noyabrın 23-də, 6 günlük iş həftəsi ilə işləyən müəssisələrdə isə noyabrın 21-də başlayacaq.
Qeyd edək ki, təhsil naziri Mikayıl Cabbarovun imzaladığı əmrlə 2015-2016-cı tədris il ərzində aşağıdakı tətillər müəyyən edilib: 5 gün payız tətili (16-20 noyabr), 5 gün qış tətili (27-31 yanvar), ibtidai siniflər üçün isə 5 günlük (1-5 may) əlavə yaz tətili.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
