[b]Bakıda Tiflisə gedən qatarların cədvəli dəyişdirilir[/b]

Bakı-Böyük Kəsik mənzilində sürətin artırılması ilə əlaqədar olaraq, 38/37 nömrəli Bakı-Tbilisi-Bakı qatarının hərəkət cədvəli Bakıdan və Tbilisidən 15 fevral tarixindən etibarən dəyişdirilir.

Bu barədə “APA-Economics”ə “Azərbaycan Dəmir Yolları” QSC-dən məlumat verilib.

Məlumata görə, qatar Bakıdan saat 21:50-də yola düşməklə Tbilisiyə saat 10:30-da (10:50 əvəzinə) çatacaq: “Tbilisidən saat 20:35-də (19:45 əvəzinə) yola düşəcək və Bakıya saat 09:00-da çatacaq”.