® Azərbaycan Universiteti aylıq 200 AZN təqaüd təklif edir

Azərbaycan Universiteti abituriyentlərə 50 AZN-dən 200 AZN-ə qədər aylıq təqaüdlər təklif edir. “Daxili Təqaüd və Təhsil haqqından Güzəşt Proqramı”na əsasən universitetə 350 və yuxarı balla qəbul olanlar bu imkandan faydalana bilər. 630 və yuxarı balla universitetə qəbul olanlar isə təhsil haqqından tam azaddırlar. 560 və yuxarı balla qəbul olanlara I tədris ilinin başında notebook hədiyyə olunur.

Tələbələr universitetə qəbul balına və təhsil aldıqları müddətdə göstərdikləri nəticələrə uyğun olaraq proqramdan yararlanırlar. Qəbul balına uyğun olaraq təqaüdlərin şərtləri aşağıdakı kimidir:

350-419 bal: ayda 50 AZN

420-489 bal: ayda 75 AZN

490-559 bal: ayda 100 AZN

560-629 bal: ayda 150 AZN + notebook

630-700 bal: ayda 200 AZN + notebook

Proqramın şərtlərinə görə, tam akademik yükü ödəmiş olan, başlanğıcda az təqaüd alan və ya ümumiyyətlə təqaüd almayan tələbə belə, üstün nəticələr əldə edərsə daha yüksək - “zərbəçi”, yaxud “əlaçı” təqaüdü ilə mükafatlandırıla bilər.

Proqrama əsasən universitetə yüksək balla qəbul olanlar aşağıda göstərilən təhsil haqqı güzəştlərindən də faydalana bilərlər:

420-489 bal: 25%

490-559 bal: 50%

560-629 bal: 75%

630-700 bal: 100%

Təqaüd və güzəştlərin miqdarı tədris prosesində universitetin təyin etdiyi müvəffəqiyyət göstəricilərinə əsasən tənzimlənir.

Universitetin öz büdcəsindən maliyyələşən proqramın məqsədi gənclərin təhsilə motivasiyasını gücləndirmək, bacarıqlı və yüksək nəticələrə nail olan tələbələrə dəstək olmaqdan ibarətdir. Proqram, həm çalışqan tələbənin əməyini dəyərləndirməklə özünəinamı formalaşdırır və gücləndirir, həm də az təminatlı ailələr üçün əhəmiyyətli sosial dəstək rolunu daşıyır.

Qeyd edək ki, “Daxili Təqaüd və Təhsil haqqından Güzəştlər” proqramına 2013/2014-cü tədris ilindən etibarən start verilib. 2013/2014-cü tədris ilində 103, 2014/2015-ci tədris ilində isə 151 tələbəyə təqaüd təyin edilib.

Daha ətraflı məlumat üçün Azərbaycan Universitetinin Abituriyent Məlumat Mərkəzinə müraciət edə, www.au.edu.az saytına yaxud universitetin rəsmi facebook səhifəsinə www.facebook.com/AzerbaycanUnv daxil ola bilərsiniz.

Tel: (00994 12) 434 76 89/90/91/92/93/94

Mobil: (00994) 55 233 69 22

E-poçt: [email protected]

Universitet seçmək, həm də gələcəyi seçməkdir.

Azərbaycan Universiteti

Gələcəyini bu gün seç!