“Cənubi Qafqazda sülh gənclərin gözü ilə” layihəsinin icrası başa çatıb

“Rəvan” Gəncliyə Dəstək İctimai Birliyi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə “Cənubi Qafqazda sülh gənclərin gözü ilə” layihəsinin icrası başa çatıb.
Lent.az xəbər verir ki, layihənin məqsədi Azərbaycan Respublikasının Prezidenti, Ali Baş Komandan İlham Əliyevin Cənubi Qafqazda sülh və etimad quruculuğu istiqamətində fəaliyyətini təbliğ etmək olub.
3 ay davam edəcək layihə çərçivəsində Cənubi Qafqazda sülh və etimadı yaradan lider kimi İlham Əliyevin qarşıya qoyulan bu vəzifələrin yerinə yetirilməsi istiqamətində fəaliyyəti ilə bağlı araşdırma xarakterli 12 yazı hazırlanaraq mediada dərc edilib.
Layihənin uğurla həyata keçirilməsi nəticəsində gənclərin Prezident Cənubi Qafqazda sülh və etimadı yaradan lider kimi İlham Əliyevin fəaliyyətləri barədə məlumatlılığı artıb. Bu da “Rəvan” Gəncliyə Dəstək İctimai vətəndaş cəmiyyəti institutu kimi bir töhfəsi olub.