Bakının üç rayonunda qaz kəsiləcək

Bu gün Bakının üç rayonunun bəzi ərazilərində qaz təchizatında qısamüddətli fasilə yaranacaq.

Bu barədə Lent.az-a“Azəriqaz”dan məlumat verilib.

Bildirilib ki, təmir-quraşdırma işləri ilə əlaqədar saat 10:00-dan işlər yekunlaşanadək Binəqədi rayonunun Biləcəri qəsəbəsinin bir hissəsində, Qaradağ rayonunun Lökbatan qəsəbəsində S. Fərziyev küçəsində, həmçinin Sabunçu rayonunun Ramana qəsəbəsinin bir hissəsində qaz təchizatı müvəqqəti dayandırılacaq.