Bakıda 6 uşağı olan ata 6 aylıq körpəsi ilə  DİLƏNİR
19 iyun 2024 11:37 (UTC +04:00)

Bakıda 6 uşağı olan ata 6 aylıq körpəsi ilə DİLƏNİR

Bakıda metronun "Nizami" stansiyasının yaxınlığında qucağında körpə uşaqla dilənən kişi diqqət çəkib.

Lent.az xəbər verir ki, bu barədə məlumat sosial şəbəkədə paylaşılıb. Belə ki, söhbət paytaxtın Cəfər Cabbarlı küçəsindən gedir.

Orta yaşlı kişinin qucağında körpə uşaqla hər gün saat 22-23 radələrində bura gələrək, diləndiyi iddia edilir.

İlkin məlumatlara görə, o, onunla maraqlananlara 6 övladının olduğunu və onları dolandırmaq üçün hər gün 6 aylıq körpəsi ilə bura dilənməyə çıxdığını deyir.

Məsələ ilə bağlı Ailə, Qadın və Uşaq Problemləri üzrə Dövlət Komitəsinə sorğu ünvanladıq.

Ailə, Qadın və Uşaq Problemləri üzrə Dövlət Komitəsindən oxu.az-a bildirilib ki, fakt nəzarətə götürülüb:

"Aidiyyəti qurumların əməkdaşları ilə birlikdə məsələ araşdırılır".

 

1 2 3 4 5 İDMAN XƏBƏRLƏRİ
# 3342
avatar

Oxşar yazılar