İyul isti keçəcək

Ekologiya və Təbii Sərvətlər Nazirliyinin mətbuat xidmətindən Lent.az-a verilən məlumata görə, iyul ayında havanın orta aylıq temperaturunun iqlim normasından bir qədər yüksək olacağı, ay ərzində yağıntıların respublika ərazisində qeyri-bərabər paylanması gözlənilir.

Aylıq yağıntının miqdarının iqlim normasına yaxın, bəzi yerlərdə isə normadan bir qədər çox olacağı ehtimal olunur. Birinci ongünlükdə tez-tez şimal-qərb küləyinin güclənəcəyi gözlənilir.

Bakıda və Abşeron yarımadasında orta aylıq temperaturun 26-28 dərəcə isti (gecələr 20-25, gündüzlər 29-34 dərəcə isti, ayrı-ayrı günlərdə 36-39 dərəcəyədək yüksələcək) olacağı proqnozlaşdırılır. Bu, iqlim normasından bir qədər yüksəkdir. Aylıq yağıntının miqdarının iqlim normasına yaxın (norma 2-3 mm), bəzi yerlərdə isə bir qədər çox olacağı gözlənilir.

Naxçıvan Muxtar Respublikasında orta aylıq temperaturun 26-29 dərəcə isti (gecələr 17-22, gündüzlər 30-35 dərəcə isti, ayrı-ayrı günlərdə 38-42 dərəcəyədək yüksələcək) olacağı gözlənilir ki, bu da iqlim normasından bir qədər yüksəkdir. Aylıq yağıntının miqdarının iqlim normasına yaxın (norma 6-16 mm) olacağı proqnozlaşdırılır.

Yuxarı Qarabağ: Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, Daşkəsən-Gədəbəy zonalarında orta aylıq temperaturun 18-21 dərəcə isti (gecələr 12-17, gündüzlər 22-27 dərəcə isti, ayrı-ayrı günlərdə 30-35 dərəcəyədək yüksələcək) olacağı gözlənilir ki, bu da iqlim normasından bir qədər yüksəkdir. Aylıq yağıntının miqdarının iqlim normasına yaxın (norma 36-73 mm) bəzi yerlərdə isə bir qədər çox olacağı gözlənilir.

Qazax-Gəncə, Goranboy, Tər-Tər, Ağdam-Ağcabədi-Füzuli-Cəbrayıl zonalarında orta aylıq temperaturun 25-28 dərəcə isti (gecələr 17-22, gündüzlər 27-32 dərəcə isti, ayrı-ayrı günlərdə 35-39 dərəcəyədək yüksələcək) olacağı proqnozlaşdırılır və bu, iqlim normasından bir qədər yüksəkdir. Aylıq yağıntının miqdarının iqlim normasına yaxın (norma 10-32 mm) olacağı gözlənilir.

Balakən-Zaqatala-Qax-Şəki-Oğuz-Qəbələ, İsmayıllı-Şamaxı-Xızı, Siyəzən, Şabran, Quba-Qusar-Xaçmaz zonalarında isə orta aylıq temperaturun 24-27 dərəcə isti (gecələr 15-20, gündüzlər 25-30 dərəcə isti, ayrı-ayrı günlərdə 33-37 dərəcəyədək yüksələcək) olacağı proqnozlaşdırılır. Bu, iqlim normasından 1-2 dərəcə yüksəkdir. Aylıq yağıntının miqdarının iqlim normasına yaxın (norma 9-118 mm) olacağı gözlənilir.

Mərkəzi-Aran: Ağdaş, Mingəçevir, Yevlax, Kürdəmir, İmişli, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında orta aylıq temperaturun 27-30 dərəcə isti (gecələr 20-25, gündüzlər 31-36 dərəcə isti, ayrı-ayrı günlərdə 38-41 dərəcəyədək yüksələcək) olacağı gözlənilir ki, bu da iqlim normasından bir qədər yüksəkdir. Aylıq yağıntının miqdarının iqlim normasına yaxın (norma 3-22 mm) olacağı, bəzi yerlərdə isə bir qədər çox gözlənilir.

Masallı-Lənkəran-Astara, Lerik-Yardımlı zonalarında Orta aylıq temperaturun 26-28 dərəcə isti (gecələr 19-24, gündüzlər 29-34 dərəcə isti, ayrı-ayrı günlərdə 36-39 dərəcəyədək yüksələcək) olacağı gözlənilir ki, bu da iqlim normasından bir qədər yüksəkdir. Aylıq yağıntının miqdarının iqlim normasına yaxın (norma 7-33 mm) olacağı, bəzi yerlərdə isə bir qədər çox olacağı gözlənilir.