TQDK imtahan nəzarətçisi seçəcək

Tələbə Qəbulu üzrə Dövlət Komissiyası (TQDK) növbəti tədris ili üçün ali və orta ixtisas təhsili müəssisələrinə qəbul imtahanlarında nəzarətçi kimi iştirak edəcək müəllimlər üçün seminar-məşğələlər keçirir.

TQDK-nın mətbuat xidmətindən Lent.az-a bildiriblər ki, seminarlar komissiyanın Təşkilat şöbəsinin məsul əməkdaşları tərəfindən aparılır. Seminarlarda imtahan prosesinin idarə olunmasında zal nəzarətçisinin üzərinə düşən vəzifələr, təlimat qaydaları ətraflı izah olunur. Bu proseduraları nəzarətçi-müəllimlərə dəqiqliklə çatdırmaq üçün məşğələlər 25-30 nəfərlik qruplarla keçirilir. Bu zaman real imtahanda tətbiq edilən sənədlər və vəsaitlərdən istifadə olunur.

Seminarlarda həmçinin, nəzarətçi-müəllimlərin fərdi keyfiyyətləri yoxlanılır, şəxsi anket məlumatları dəqiqləşdirilir, imtahanın gedişində rast gəlinən problemlər sistemləşdirilir və həlli yolları sadalanır, nəzarətçi-müəllimlərin xüsusi hallarda operativ qərar qəbul etmə qabiliyyətləri interaktiv üsullarla – sorğu-suallarla müəyyənləşdirilir. Seminar–məşğələlərdə nəzarətçiləri imtahan prosesi ilə əyani surətdə tanış etmək məqsədilə imtahan texnologiyasına aid film nümayiş etdirilir.

TQDK-da bildirirlər ki, seminarlarda iştirak edən müəllimlər, xüsusilə ilk dəfə cəlb olunan müəllimlər aprel ayından etibarən komissiya tərəfindən keçiriləcək sınaq imtahanlarında nəzarətçi kimi iştirak etməyə dəvət olunacaqlar. Bu isə onların seminarlarda əldə etdikləri nəzəri bilikləri təcrübədə tətbiq etmələrinə kömək edəcək. Onların bu imtahanlarda fəaliyyətləri TQDK-nın əməkdaşları və imtahan rəhbərləri tərəfindən qiymətləndiriləcək, nəzarətçinin qəbul imtahanlarına hazır olub-olmaması barədə rəy veriləcək. Sınaq imtahanlarında nəzarətçi kimi özünü doğruldan müəllimlər qəbul imtahanlarına cəlb olunacaqlar.

Xatırladaq ki, TQDK-nın nəzarətçilər bazası 8000-dək müəllim və təhsil işçisindən ibarətdir. Onların imtahanlara nəzarətçi kimi cəlb olunması təhsil şöbələri və ümumtəhsil məktəblərinin təqdimatı əsasında, müqavilə yolu ilə aparılır.

İmtahanlara cəlb olunacaq nəzarətçi-müəllimlərlə keçiriləcək seminar – məşğələlərin qrafiki:

Rayon (şəhər)	Tarix	Seminarı keçirən təşkilat	Yer
Sumqayıt	07-08.02.2011	TQDK, Təşkilat şöbəsi	Sumqayıt ş., 31 saylı tam orta məktəb
Qubadlı	08.02.2011	TQDK, Təşkilat şöbəsi	Sumqayıt ş., 31 saylı tam orta məktəb
Binəqədi	09-10.02.2011	TQDK, Təşkilat şöbəsi	Bakı ş., 276 saylı tam orta məktəb
Səbail	11.02.2011	TQDK, Təşkilat şöbəsi	Bakı ş., 51 saylı tam orta məktəb
Laçın	11.02.2011	TQDK, Təşkilat şöbəsi	Bakı ş., 51 saylı tam orta məktəb
Abşeron	14.02.2011	TQDK, Təşkilat şöbəsi	Abşeron r-u, Xırdalan ş 2 saylı tam orta məktəb
Xəzər	15.02.2011	TQDK, Təşkilat şöbəsi	Bakı ş., 136 saylı tam orta məktəb
Qaradağ	16.02.2011	TQDK, Təşkilat şöbəsi	Bakı ş., 319 saylı tam orta məktəb
Qaradağ	16.02.2011	TQDK, Təşkilat şöbəsi	Bakı ş., 166 saylı tam orta məktəb
Xətai	22-23.02.2011	TQDK, Təşkilat şöbəsi	Bakı ş., 138 saylı tam orta məktəb
Sabunçu	24.02.2011	TQDK, Təşkilat şöbəsi	Bakı ş., 107 saylı tam orta məktəb
Suraxanı	25.02.2011	TQDK, Təşkilat şöbəsi	Bakı ş., 278 saylı tam orta məktəb
Nizami	01.03.2011	TQDK, Təşkilat şöbəsi	Bakı ş., 214 saylı tam orta məktəb
Nəsimi	02.03.2011	TQDK, Təşkilat şöbəsi	Bakı ş., 211 saylı tam orta məktəb
Zəngilan	02.03.2011	TQDK, Təşkilat şöbəsi	Bakı ş., 211 saylı tam orta məktəb
Nərimanov	03.03.2011	TQDK, Təşkilat şöbəsi	Bakı ş., 178 saylı tam orta məktəb
Füzuli	03.03.2011	TQDK, Təşkilat şöbəsi	Bakı ş., 178 saylı tam orta məktəb
Yasamal	04.03.2011	TQDK, Təşkilat şöbəsi	Bakı ş.,, 20 saylı tam orta məktəb
Şuşa	04.03.2011	TQDK, Təşkilat şöbəsi	Bakı ş., 20 saylı tam orta məktəb
Gəncə	01-02.04.2011	TQDK, Gəncə Regional Bölməsi	Gəncə ş., 6 saylı tam orta məktəb
Lənkəran	05.04.2011	TQDK, Lənkəran Regional Bölməsi	Lənkəran ş., 4 saylı tam orta məktəb
Şirvan	12.04.2011	TQDK-nın Lənkəran Regional Bölməsi	Şirvan ş., 18 saylı tam orta məktəb
Göyçay	13.04.2011	TQDK-nın Gəncə Regional Bölməsi	S. Vurğun adına şəhər internat tam orta məktəbi
Mingəçevir	05.04.2011	TQDK-nın Gəncə və Şəki Regional Bölməsi	Mingəçevir ş., 18 saylı tam orta məktəb
Şəki	04.04.2011	TQDK, Şəki Regional Bölməsi	Şəki ş., 20 saylı tam orta məktəb
Quba	10.03.2011	TQDK, Quba Regional Bölməsi	Quba ş., 3 saylı tam orta məktəb
Naxçıvan	10-11.03.2011	TQDK, Naxçıvan MR Regional Bölməsi	Naxçıvan ş., 7 saylı tam orta məktəb
Qusar	11.03.2011	TQDK, Quba Regional Bölməsi	Qusar ş., 6 saylı tam orta məktəb
Ağstafa	06.04.2011	TQDK-nın Gəncə Regional Bölməsi	Ağstafa ş., 1 saylı tam orta məktəb
Yevlax	12.04.2011	TQDK-nın Gəncə Regional Bölməsi	Yevlax ş., 7 saylı tam orta məktəb
Qax	06.04.2011	TQDK-nın Şəki Regional Bölməsi	Qax ş., 2 saylı tam orta məktəb
Oğuz	07.04.2011	TQDK-nın Şəki Regional Bölməsi	Oğuz ş., 3 saylı tam orta məktəb
Bərdə	11.04.2011	TQDK-nın Gəncə Regional Bölməsi	Z.Əliyeva adına texniki təmayüllü məktəb-lisey
Ağcabədi	11.04.2011	TQDK-nın Gəncə Regional Bölməsi	Ağcabədi ş., 2 saylı tam orta məktəb
Ağdaş	12.04.2011	TQDK-nın Gəncə Regional Bölməsi	Ağdaş ş., 1 saylı tam orta məktəb
Salyan	13.04.2011	TQDK-nın Lənkəran Regional Bölməsi	Salyan ş., 2 saylı tam orta məktəb
Cəlilabad	06.04.2011	TQDK-nın Lənkəran Regional Bölməsi	Z.Əliyeva adına 7 saylı tam orta məktəb
Masalli	07.04.2011	TQDK-nın Lənkəran Regional Bölməsi	Masallı ş., 3 saylı tam orta məktəb