“Gələcək Naminə” İctimai Birliyi gəncləri unutmayıb

Birliyin mətbuat xidmətindən Lent.az-a verilən məlumata görə, təşkilatın əməkdaşları Azərbaycan Dillər Universitetinin bir qrup tələbəsi ilə birgə Binəqədi rayonu 276 saylı orta məktəbin yuxarı sinif şagirdləri ilə görüş keçiriblər. Görüşdə şagirdlərə ölkəmizdə gəncliyə verilən yüksək qiymətdən, cəmiyyətimizdə gənclərin aktiv iştirakı, gənclərin könüllülük fəaliyyətinin genişləndirilməsi, gənclərin xaricdə təhsil almaları, gənclərin asudə vaxtlarının səmərəli təşkili haqqında söhbətlər aparılıb.

Daha sonra təşkilatın nümayəndələri və tələbələr Yeni Günəşlidə yerləşən 258 saylı uşaq bağçasında olublar. Onlar uşaq bağçasının balaca sakinləri ilə görüşüb, onlara insan həyatının hər bir dönəminin dəyərli və unudulmaz olduğunu aşılamağa çalışıblar. Gənclər görüşdən məmnun qaldıqlarını, balacaların arasında “öz uşaqlıq illərinə səyahət etdiklərini” deyiblər.