Qafqazda analoqu olmayan butılka evin təmirı yekunlaşıb
29 may 2009 12:45 (UTC +04:00)

Qafqazda analoqu olmayan butılka evin təmirı yekunlaşıb

Təmirə iki ay vaxt sərf olunub
Gəncədə yerləşən, Qafqazda analoqu olmayan butılka evin təmiri başa çatıb. Bu barədə Lent.az-ın Gəncəbasar müxbirinə şəhər Mənzil Kommunal Təsərrüfat İstehsalat Birliyinin rəisi Abid Şərifov məlumat verib. Onun sözlərinə görə, şəhər İcra Hakimiyyətinin başçısı Eldar Əzizovun göstərişi ilə 2 ay ərzində evin dam örtüyü dəyişdililib, eyvanın döşəmə və tavanı yenilənib və butılka evi tikidirən İbrahim Cəfərovun xatirəsinə ehsan bulağı inşa edilib. Gəncə şəhərində 1957-67-ci illərdə inşa olunan və indiyədək bir dəfə də olsun təmir edilməyən butılka evi İbrahim Cəfərov adlı Gəncə sakini Böyük Vətən Müharibəsində həlak olan qardaşı Yusif Cəfərovun xatirəsinə ucaldıb. 2 mərtəbəli evin tikilişində 50 minə yaxın butılka sərf edilib. Onun divarları Soçidən gətirilmiş dəniz daşları və şüşələrlə, mozaik rəsmlərlə bəzədilib.
Vüsalə Cənnətova
# 709

Oxşar yazılar