Elektrik xətlərinin çəkilmə standartları müəyyənləşdi

Standartlaşdırma, Metrologiya və Patent üzrə Dövlət Komitəsi “AZS QOST R 52373-2011” “Yerüstü elektrik xətləri üçün qorunan və izolyasiya edilmiş naqillər. Ümumi texniki şərtlər” və “AZS 463-2011” “Orta gərginlik çarpaz bağlı polietilen (XLPE) izolyasiyalı enerji kabelləri. Texniki şərtlər” dövlət standartlarını təsdiq edib.
Dövlət Komitəsinin mətbuat xidmətindən Lent.az-a verilən məlumata görə, standartların tətbiq vaxtı fevralın 1-dən müəyyən edilib.
“AZS QOST R 52373-2011” “Yerüstü elektrik xətləri üçün qorunan və izolyasiya edilmiş naqillər. Ümumi texniki şərtlər” standartı Rusiya Federasiyasının milli standartı “QOST R 52373-2005” “Provoda samonesuşie izolirovannıe i zaşişennıe dlya vozduşnıx liniy elektroperedaç” əsasında cild üsulu ilə hazırlanmış standart kimi qəbul olunub. Standart ilk dəfə tətbiq edilir.

“AZS 463-2011” “Orta gərginlik çarpaz bağlı polietilen (XLPE) izolyasiyalı enerji kabelləri. Texniki şərtlər” standartı çarpaz bağlı polietilen (XLPE) izolyatorlu 3,6/6(7,2)kV - 6/10(12)kV - 8,7/15 (17,5) kV və 20,3/35(42) kV gərginlikdəki enerji kabellərinin texniki xüsusiyyətlərini, sınaqlarını və təmin şərtlərini əhatə edir.