Gənclər gününə həsr olunmuş silsilə tədbirlər keçiriləcək

Nazirlikdən Lent.az-a verilən məlumata görə, tədbirlər içərisində muğam, caz, rep, estrada və klassik konsertlər, sərgilər, gənc yazarlarla görüş, həmçinin bu gün bizim üçün yeni sahə olan videoart sahəsində fəaliyyət göstərən gənclərimizin işlərinin nümayişi nəzərdə tutulur. Tədbirlər Dövlət Filarmoniyası, Gənc Tamaşaçılar Teatrı, Milli Kitabxana və Beynəlxalq Muğam Mərkəzində baş tutacaq.

Belə ki, yanvarın 28-də M.Maqomayev adına Azərbaycan Dövlət Filarmoniyasında gənc bəstəkarların əsərlərindən ibarət simfonik konsert keçiriləcək. Yanvarın 31-də Azərbaycan Dövlət Gənc Tamaşaçılar Teatrında gənc rəssamların sərgisi “Qurama” adlı sərgisi və “Artmaster” - videoart layihəsi və gənc estrada və rep ifaçılarının “Canlı klip” konserti təqdim olunacaq. Fevralın 1-də M.F.Axundov adına Milli Kitabxanada “Yeni söz” - gənc şairlərlə görüş təşkil ediləcək. Fevralın 2-də - Gənclər Günündə isə Beynəlxalq Muğam Mərkəzində milli geyim sərgisi və gənc muğam və caz ustalarının konserti “Dünən və bu gün” adlı konserti keçiriləcək.

Xəyalə