DSMF-də sığortaolunanların sayı 1,9 milyona yaxınlaşır
17 yanvar 2011 12:03 (UTC +04:00)

DSMF-də sığortaolunanların sayı 1,9 milyona yaxınlaşır

Dövlət Sosial Müdafiə Fondunun (DSMF) fərdi uçot sistemində qeydiyyatda olan sığortaolunanların sayı 9,79 faiz artıb. 2010-cu il ərzində fond tərəfindən əlavə olaraq 160 523 sığortaolunana fərdi şəxsi hesab açılıb. Bununla da 1 yanvar 2011-ci il tarixə olan statistikaya əsasən, Azərbaycanda fərdi şəxsi hesabı olan sığortaolunanların sayı 1 800 452 nəfərə yüksəlib.

DSMF-nin ictimaiyyətlə əlaqələr sektorunun rəhbəri Elman Babayev Lent.az-a bildirib ki, fərdi uçot sistemində qeydiyyatda olan sığortaolunanların 55,4 faizi kişi, 44,6 faizi isə qadındır. Fərdi şəxsi hesabı olanlar arasında 40-50 yaş aralığındakı sığortaolunanlar üstünlük təşkil edir. Həmin yaş kateqoriyalarına aid olan vətəndaşlar ümumi sığortaolunanların 25, 7 faizini əhatə edir.

Elman Babayev deyib ki, fərdi uçot sistemində qeydiyyatda olanların 21,6 faizini 30 yaşa kimi sığortaolunanlar, 22,5 faizini 30-40 yaş aralığında olan sığortaolunanlar, 21 faizini 50-60 yaş aralığında olan sığortaolunanlar, 9,2 faizini isə 60 yaşdan yuxarı olan sığortaolunanlar təşkil edir.

Elxan SALAHOV
1 2 3 4 5 İDMAN XƏBƏRLƏRİ
# 524

Oxşar yazılar