“Vətənpərvər kimdir?” inşa müsabiqəsinin qaliblərinə mükafatlar təqdim olunub - FOTO

Lent.az-ın verdiyi məlumata görə, oktyabrın 1-də başlayan müsabiqənin əsas məqsədi köçkün orta məktəblilərin vətənpərvərliklə bağlı fikir və düşüncələrini öyrənmək, təhlil etmək və ictimaiyyətə çatdırmaqdır.

ANS Şirkətlər Qrupunda keçirilən mərasimində Milli Qəhrəman Çingiz Mustafayevin valideynləri və digər ailə üzvləri iştirak ediblər. Qalib gələn məktəblilərə diplom və hədiyyələr təqdim olunub.

Qeyd edək ki, müsabiqəyə təqdim edilmiş 137 inşadan ilkin seleksiya zamanı 49-u növbəti seçim mərhələsinə buraxılıb. Bu mərhələdə Gənclər və İdman Nazirliyi, Ailə, Qadın və Uşaq Məsələləri üzrə Dövlət Komitəsi, Azərbaycan Respublikası Prezidenti yanında QHT-lərə Dövlət Dəstəyi Şurası və Gənclər üçün Təhsil Mərkəzinin ekspertləri tərəfindən 5-ci, 6-cı və 7-ci siniflər üzrə hər birindən 3 qalib və 7 həvəsləndirici yerin sahibi müəyyənləşdirilib.