Fənlərin Dostluğu Olimpiadasının I turu keçirilib

Dekabrın 26-da Hədəf Kurslarının təşkilatçılığı ilə Bakı və Xırdalan şəhərlərində Dünya Azərbaycanlılarının Həmrəylik Günü münasibəti ilə Fənlərin Dostluğu Olimpiadasının I turu keçirilib.

Lent.az-ın verdiyi məlumata görə, I turda ümumilikdə 2000 nəfərdən çox 9 və 10-cu sinif şagirdləri iştirak ediblər.

Şagirdlərin qarşısında imtahan müddətində 40 inteqrativ testi 90 dəqiqə müddətində cavablandırman tapşırığı qoyulub. Olimpiadada istifadə edilən testlər və ilk yüzlüyə düşmüş şagirdlərin adı 27 dekabr saat 10:00-da “inteqrasiya.az” saytında yerləşdirilib. Dekabrın 28-də I tur üzrə ən yüksək nəticə göstərmiş ilk 100 şagirdə hədiyyə təqdim olunacaq. Bunlardan isə II turda ən yüksək nəticə göstərmiş 10 nəfər şagird daha qiymətli hədiyyələrlə təltif olunacaq.

I turda olimpiadada iştirak edən şagirdlərə sponsorlardan “Datatech” və “Casper” şirkətlərinin güzəştli alıcı kartları, Hədəf Kurslarının “Paket test” hədiyyəsi, “NetMoney” və Hədəf Kurslarının birgə layihəsi olan online sınaq imtahanı üçün bonus kartlar hədiyyə olunacaq.