Hökumət daha bir Dövlət Proqramını təsdiqlədi
14 dekabr 2010 17:45 (UTC +04:00)

Hökumət daha bir Dövlət Proqramını təsdiqlədi

Lent.az-ın məlumatına görə, baş nazir Artur Rasizadənin 13 dekabr 2010-cu il tarixli 233 salı qərarı ilə təsdiq olunmuş bu proqram müalicə-profilaktika müəssisələrinin, eləcə də talassemiyalı, hemofiliyalı və hemodializ müalicəsi alan xəstələrin qan və onun komponentləri ilə təminatının gücləndirilməsini nəzərdə tutur.

Proqrama əsasən, Səhiyyə Nazirliyi 2015-ci ilin sonunadək xəstələrin keyfiyyətli qan və qan komponentləri ilə tam təminatına nail olmalı və əhaliyə göstərilən transfuzioloji yardımın səviyyəsini artırmalıdır. Həmçinin tədarük edilən və istifadə olunan qan və onun komponentlərinin təhlükəsizliyinin təmin etmək, qan xidməti müəssisələrinin maddi-texniki bazasının gücləndirmək, qan və qan komponentlərinin donorluğunun inkişaf etdirmək də proqramın məqsəd və vəzifələrinə daxildir.

Elxan SALAHOV
# 461

Oxşar yazılar