Hava isinir

Ekologiya və Təbii Sərvətlər Nazirliyinin mətbuat xidmətindən Lent.az-a verilən məlumata görə, dekabrın 11-də Bakıda və Abşeron yarımadasında hava şəraitinin dəyişkən buludlu, əsasən yağmursuz keçəcəyi, gecə və səhər bəzi yerlərdə zəif duman olacağı ehtimal olunur.

Cənub-qərb küləyinin əsəcəyi, arabir güclənəcəyi gözlənilir. Havanın temperaturu gecə 9-12, gündüz 15-17 dərəcə isti təşkil edəcək.

Azərbaycanın rayonlarına gəlincə, dekabrın 11-də hava şəraitinin əsasən yağmursuz keçəcəyi, gecə və səhər bəzi yerlərdə çiskin olacağı ehtimal olunur. Cənub-qərb küləyinin əsəcəyi gözlənilir. Havanın temperaturu gecə 5-10, gündüz 14-17, dağlarda gecə 0-5, gündüz 12-16 dərəcə isti təşkil edəcək.