Bu gün sulu qar yağacaq

Ekologiya və Təbii Sərvətlər Nazirliyinin mətbuat xidmətindən Lent.az-a verilən məlumata görə, dekabrın 7-də Bakıda və Abşeron yarımadasında hava şəraiti buludlu keçəcəyi arabir açılacağı, səhər və axşam yarımadanın bəzi yerlərdə qısamüddətli yağış yağacağı ehtimal olunur.

Şimal-qərb küləyinin əsəcəyi, gecə və səhər arabir güclənəcəyi, günün ikinci yarısında mülayimləşəcəyi gözlənilir. Havanın temperaturu gecə 10-12, gündüz 12-14 dərəcə isti təşkil edəcək.

Azərbaycanın rayonlarına gəlincə, bu gün axşam və gecə yağış yağacağı, bəzi yerlərdə intensiv olacağı, dağlıq ərazilərdə yağıntıların sulu qara keçəcəyi ehtimal olunur. Qərb küləyinin əsəcəyi, ayrı-ayrı yerlərdə arabir güclənəcəyi gözlənilir. Havanın temperaturu gecə 6-11, gündüz 13-17, dağlarda gecə 4-9, gündüz 10-15 dərəcə isti təşkil edəcək.